خايف مرة أحب مأمون الشناوي بليغ حمدي فيلم يوم من عمري
كلمات أغنية خايف مرة أحب
خايف مرة أحب
كلمات: مأمون الشناوي
ألحان: بليغ حمدي
غناء: عبد الحليم حافظ
خايف مرة أحب و عارف .. ليه أنا قلبي خايف
شفت الحب بيبكي و يضحك .. ملو عيون و شفايف
بس لو ألاقي اللي أحبه
و اللي قلبي يروح لقلبه
و اللي ترتاح روحي جنبه
يومها عمري ما أبقى خايف
خايف إني أحب .. و خايف ينسى الحب يوم يقابلني
خايف أجرب .. خايف أهرب
خايف أقرب يبعد عني
ناس من الحب شافوا قسية .. و ناس إتهنوا
خايف يقسى الحب عليَ .. خايف منه
أندم لو حبيت و قاسيت
و أندم لو عمري ما حبيت
بس لو ألاقي اللي أحبه
و اللي قلبي يروح لقلبه
و اللي ترتاح روحي جنبه
يومها عمري ما أبقى خايف
الدقيقة من حياة الحب عمر .. في عذابه و في هناه
الإبتسامة من شفايف الحب فجر .. يسعد العاشق ضياه
كل كلمة من كلام الحب أمر .. لسه ماسمعتش نداه
أندم لو حبيت و قاسيت
و أندم لو عمري ما حبيت
بس لو ألاقى اللي أحبه
و اللي قلبي يروح لقلبه
و اللي ترتاح روحي جنبه
No comments:
Post a Comment